好睇好睇好好睇！重要既野要講三次！ 呢一齣魔法電影絕對是本年度大製作，單單出電影Title前的第一幕已是場大型歌舞，標題出現後正式開始講返兩位女主角學生時代的故事，可能是Cynthia Erivo飾演的壞女巫Elphaba，青BB皮膚的形象唔多討好，上映前好多人都誤解是套「伏」片。 好明顯故事要刻意去表達不可單靠外觀去判斷好與壞這個道理。點解呢？因為睇到後半部份就知道，當中由Jeff Goldblum飾演的大巫師 The Wonderful Wizard of Oz及由奧斯卡影后楊紫瓊飾演的魔法教授Madame Morrible都是講一套做一套之輩，哈哈哈哈🤣🤣🤣！另一位由Ariana Grande飾演的女主角  ，其角色一身粉紅色已是美態爆棚，表情更不乏搔首弄姿與抛媚眼，好有香港女性嘅特色，小編不是貶低香港女性，只是覺得看到好有歸屬及認同感。😂😂😂 雖然電影長兩個半鐘，但其實一氣呵成總是沒有拖長時間，只係頭段學校年代嘅部份需要交代的頗不小，到下半部分兩位女主角踏上翡翠列城車後，故事發展都去得好快。不過有一樣嘢一定要講一講，今次的魔法壞女巫只是第一集，去到完場時Elphaba騎着掃把飛出銀幕時只是第一集完結。 總結：個人觀感今次十分好睇，更由於冇期望就唔會有失望，開頭睇到佢嘅造型我都唔會預期呢一齣係一齣好睇的戲，但首影晚入場睇完Preview之後，要完全推翻推翻自己早前的判斷了！完全是今日的我打倒昨日的我，哈哈哈哈🤣🤣🤣！要再一提就是粉紅色嘅女主角 Galinda，小編很喜歡佢個造型以及嘴臉表情，完全香港靚女feel， I like it! 🥰🥰🥰  …