25周年驚典回歸　 莉芙金寶五度決戰鬼面殺手 鬼面殺手再度出現，新一批受害者全部同「胡士堡」呢個小鎮過往嘅秘密有關！《奪命》系列靈魂人物薛妮、警長杜威同主播姬爾又試捲入血腥漩渦，唯有憑住過往多次逃出生天嘅經驗，同鬼面殺手決一死戰！近年已甚少參與電影演出嘅莉芙金寶（Neve Campbell）出山，再度飾演系列女主角薛妮。警長杜威夫婦，亦會繼續由大衛雅奇（David Arquette）及歌迪妮覺絲（Courteney Cox）擔綱演出。除咗舊有骨幹，新加盟成員陣容相當亮眼，包括：《狂舞紐約》（Into the Heights）女星瑪莉莎巴雷拉（Melissa Barrera）、《飢餓遊戲》（The Hunger Games）系列男星積奎爾（Jack Quaid）及《鐵甲奇俠3》（Iron Man 3）女星珍娜奧蒂嘉（Jenna Ortega）等。 兇手就喺你左近 某夜，少女泰拉（珍娜奧蒂嘉　飾）收到一通不明來歷嘅電話，繼而俾鬼面殺手襲擊至重傷。泰拉嘅家姐莎曼花（瑪莉莎巴雷拉　飾）同男友列治（積奎爾　飾）於是趕返「胡士堡」，並搵嚟多次成功脫險嘅前警長杜威（大衛雅奇　飾）幫手，佢懷疑兇手就喺泰拉嘅一班死黨入面，更發現鬼面殺手原來想復刻原版殺人劇情！前作主角薛妮（莉芙金寶　飾）、姬爾（歌迪妮覺絲　飾）同新一批受害者逐個跌入兇手嘅圈套，究竟邊個可以大步檻過？ 《奪命狂呼》生存三大法則 《奪命狂呼》系列向來都有獨特嘅生存法則，今集杜威警長喺戲中就傳授新嘅三條法則，一如電影宣傳所講：「兇手就喺你左近」！ 第一條：永遠不要相信戀人 第二條：兇手的動機永遠和過去發生的事有關 第三條：第一個受害者總是有一班朋友，而兇手是當中一分子…