《特務傻的孖》 AMERICAN ULTRA

On9毒男謝西艾辛堡原來係變種特務

型格女神姬絲汀史釗活演活爛撻撻女友

情侶檔合力殺退CIA 

血腥抵死動作喜劇《特務傻的孖》(American Ultra)講述on9毒男威爾 (謝西艾辛堡飾) 同同居女友菲比 (姬絲汀史釗活飾)的頹廢小鎮生活被暴力中斷。零記憶的威爾唔知自己其實係個勁堅揪的變種特務。有一日，佢被喚起潛藏殺手機因，更因此而捲入政府策劃的非常任務。為生存，佢駛出自己的英雄本色，同女友孖住殺出重圍。

故事大綱 

賀威爾 (謝西艾辛堡飾) 的人生只有三件事，隊草、返超市收銀，及畫那本無人有興趣出版的馬騮超人漫畫。佢最想做的事係同女友 (姬絲汀史釗活飾)去夏威夷旅行，如果佢可以克服出城焦慮症的話。

零記憶的威爾唔知自己其實係CIA「宇宙最強計劃」，一手打造的變種特務，亦係當局要剷除的目標。部份潛伏在小鎮的特務被喚起潛能，大肆破壞。威爾的好心前負責人雷維妮(康妮布里頓飾) 幫佢激發出沈睡的潛能，令佢由廢青搖身一變成堅揪殺人機器。

威爾面對各路想攞佢命的對手，陷入連場激戰當中。威爾冇諗過自己超乎常人的戰鬥力，勁到可以將一隻匙羹變成極具殺傷力武器。CIA探員 (杜飛格雷斯飾) 對威爾步步進逼，為了生存同拯救一生最愛的女友，佢被迫喚起自己的英雄本色殺退對手。

《特務傻的孖》由尼瑪諾里沙德 (Nima Nourizadeh)執導，《非常盜》謝西艾辛堡及《吸血新世紀》系列姬絲汀史釗活領銜主演。《星際啟示錄》杜飛格雷斯、《猛鬼街》康妮布里頓、《黑殺令》戈頓高堅斯、《滋味旅程》約翰拉奎查莫、《天煞-地球反擊戰》標保文、東尼海爾、那威爾卡佛及史坦活亞主演 。

9月17日  #介紹番

導演:                  尼瑪諾里沙德

監製:               Anthony Bregman, Kevin Frakes, Raj Brinder Singh, David Alpert, Britton Rizzio

片種:                   血腥抵死動作喜劇

片長:                   96mins

級數:                     IIB

日期:                   2015年9月17日