英國冒險樂園：《迷你兵團》影評

剛踏進七月，曾經熱爆一時的Minions （迷你兵團，不過小編習慣叫佢地做黃豆

仔XD），全香港再一次刮起一片黃色旋風。不少商場開始出現三隻古古怪怪、

但係好鬼得意嘅黃豆仔裝飾。麥當勞馬上跟上推出一系列同黃豆仔有關的佈置

、玩具同套餐。仲記得上集黃豆仔最出名嗰句：“Bee-Do-Bee-Do-Bee-Do”嗎？

小編前幾日搭地鐵又再聽到有人拎返出嚟做鈴聲。小編身邊甚至有朋友將

Minions 的劇照做手機Wallpaper。全港陷入黃色狂熱，難怪香港票房在開畫不夠

一個月已經直逼7000 萬港元！

講返正題，曾經黃豆仔只不過係“壞蛋掌門人”系列的配角，點知如同電影裡

面的負碌運，黃豆仔憑著趣致的外表同令人意想不到的奇怪說話，俘獲了所有

大人細路的歡心，人氣度自第一集壞蛋掌門人開始已經遠遠超越其他主角。環

球電影公司在2013 年壞蛋掌門人2 打破票房紀錄之後，決定打蛇隨棍上，搵

Minions 擔正大旗做主角。今次呢齣“迷你兵團“決定帶觀眾回到過去，尋找神

秘迷你兵團的身世。

本來迷你兵團每次出場都是大批大批地出現，觀眾從來冇辦法分清楚邊個打邊

個。今集迷你兵團終於出現咗三位主角：長條形兩隻眼的Kevin、中等身形一隻

眼的Stuart 和 矮細兩隻眼的Bob。三隻都有唔同的性格，Kevin 有領導才能

；Stuart 有啲自負、鍾意彈結他；Bob 性格最細個、鍾意成日拖住佢隻熊公仔、

但係傻人有傻福、永遠最負碌。

故事背景係六十年代的英國同美國，相信對於入場的大部分觀眾嚟講都是一個

相當陌生的時代背景。尼克遜總統和後生版的英女皇相信00後的小朋友們應該

見都未見過（小編有些補習學生第一個認識的美國總統就是奧巴馬，連喬治布

殊都未聽過OMG）。本來小編以為迷你兵團作為具有濃厚美國特色的電影，應

該跟前作一樣，把主場景放在美國。誰不知三爬兩撥下，三隻黃豆仔被Scarlet

煞天驕帶到英國倫敦，繼續吹響幾年來都很紅的英倫風。

來到英國之後，黃豆仔的任務就是要偷取英女皇的皇冠，陰差陽錯之下阿Bob

自己做埋國王，激怒了本來身為主人的Scarlet，Scarlet 號召天下的壞蛋要捉拿三

隻黃豆仔，碰巧其他黃豆仔決定全體出動尋找Kevin 他們，喺英國甚至世界各地

都不停爆出連番笑料，電影院內笑聲此起彼落。

迷你兵不停撞板但係永遠都負碌得到好結果當然現實世界不會出現，不過

minions 一直以來最煞食嘅搞笑動作和永遠聽唔明的對白才是最受歡迎的部分。

其實這套電影若論劇情只屬一般貨色，但是永遠最弔詭的地方就是迷你兵出其

不意的表情和動作。例如三隻黃豆仔被Scarlet 關到囚室準備受刑的時候，一眾

觀眾都替迷你兵擔心，但是原來所有對付人類的刑具全部都殺不死迷你兵，還

被迷你兵當成遊樂場遊玩，實在驚喜之餘、場面亦非常搞笑。

這次迷你兵團的把整個倫敦當作他們的遊樂場，中間更穿插其他迷你兵為了尋

找Kevin 他們而穿州過省，本來要去英國的他們卻去錯了有四分一面英國旗的澳

洲，然後又去了印度在印式音樂下熱舞一番，穿梭世界不同地域為觀眾帶來意

想不到的驚喜。然後犀利哥終於在電影的最後段出現，鋪陳了為什麼所有迷你

兵都會把犀利哥當成大佬的原因。

迷你兵團可以說是21 世紀其中一個最成功的卡通人物，正如迷你兵團自盤古初

開以來都是長生不老一樣（恐龍時代到現在都是這幾隻迷你兵沒有變），小編

都希望未來迷你兵團都可以繼續長做長有，好像以往的叮噹、高達般，成為21

世紀小朋友們身邊的夥伴。