故事講述一個機械人羅斯森因運送途中遇上意外，流落於一個無人荒島上，為了完成出廠時內置指令，島上四周圍去尋找生物，求達成服務人類任務，喺荒島中當然搵唔到人類委派任務啦，羅斯森於意外中毁滅了雁一家，只遺留下一隻雁鳥蛋，當隻蛋殼而出嘅時候，小雁BB見羅斯就以為是媽媽一路跟隨，機械人羅斯正式收到任務，將呢隻小雁訓練成長任務正式開始。 其實這一齣動畫的畫面確實係幾靚，故事簡單完全適合小朋友觀看，而且內容亦相當之有意義。 故事背景應該是經過了一場嚴重天災後的地球，出現的人類已經不多，在荒島中，羅斯森雖然只是個機械人，靠內置AI功能於周遭學習適應環境，到天氣惡劣時都懂得為島上各種動物帶來救援協調，相信這一點好多活生生的人類都做唔到。 廣東話版的羅斯森配音由天后容祖兒聲演，足以叫JOEY喜愛者入場觀看，但礙於機械人角色局限，其說話語法真有點「悶」，始終都是覺得JOEY的唱歌聲比較動聽。…
Read more
故事講述近年最流行的網上情緣騙案，由吳君如主演的婦產科醫生，因生活無聊click入交友Apps墮入騙徒陷阱，騙徒又係假扮外籍高級工程師，每日早晚噓寒問暖引目標🎯墮入陷阱，正所謂橋唔怕舊最緊要受 騙徒手法層出不窮，但其實萬變不離其中，都係嗰一兩招，做慈善幫小朋友救細路籌錢搵贊助，另一招就是身陷險境隨時冇命會死，要你俾錢救佢命，真係好好笑，估唔到小編唔玩交友APPS 唔係中網上情緣，都 比朋友用呢兩招呃過，難怪比騙徒直播中話「好L蠢」，哈哈哈哈哈！ 呢齣戲節奏幾輕鬆幾好睇，劇情意外有一件事絕對值得一提，原來吳君如接拍這套電影是無酬演出，全心為香港電影出力絕對值得一讚！…
Read more
故事中的小丑Joker，是蝙蝠俠故事中的宿敵，相信冇人唔知，喺葛咸城中呢位頭號壞人，更加是一眾反社會主意人仕心目中的偶像，Joker於電視直播中殺人後，雖然被捕入獄，但其行為令葛咸城支持與反對聲不絕。法庭上被指控患有妄想症人格障礙，自大自戀唔理其他人，身邊冇朋友，完全活喺自己嘅世界⋯⋯ 原來小丑亦有過悲慘過去，細個時常被虐待，亦由於母親的一個大話，令小丑自以為真正使命是為全世界帶來歡笑，一直被呃了幾十年， 今集追加了 Lady Gaga，飾演因仰慕小丑殺人行為，慕名申請入獄的心理學學生，兩人有多場的人格分裂式歌舞，表達當中劇情思想，可說是瘋狂加倍！…
Read more《嘩鬼家族》的上一集是1988年，回想當時小編還是位學生，當時都是從家中的公仔箱中觀看到這齣電戲，估唔到三十幾年後會有下一集會的出現。 雖然事隔30幾年，電影開始的第一幕，鏡頭環繞上一集的市鎮小屋及角樓兩夫婦果套市鎮模型，特別是墮河果部車，已足夠令觀眾投入返上一集故事，除非觀眾們冇睇過第一集。今次甲蟲汁（前作被稱為甲蟲基 ）的嚇人業務就搞大咗很多了，上一集甲蟲汁是單獨去協助已死去的求助人（即是鬼去嚇啲人類），今集他已經有一間有規模嘅公司，唔知阿Bob是否上集同佢一齊坐喺張長凳度等候服務嗰位呢？上集佢係最後都係比條沙蟲巨型吞噬食咗嚟到完結，咁嗰一對夫婦嘅鬼魂同佢一家人咁就有重返正常生活，今集劇情以上一集那位小女孩做主線，但亦包含了甲蟲汁的「前世今生」，估唔到今集嗰條巨大沙蟲同樣擔當著一個重要任務。甲蟲汁出場時間雖不太多，但娛樂成份十分豐富，可說是沒有違和感的故事延續。…
Read more