《死侍與人狼》- 抽水·自肥·第三部

今集《死侍與人狼》夥拍人狼Hugh Jackman，兩位擁有不死身異能人，萬眾期待的世紀組合終於出現，一齊吋爆大銀幕。講真其實故事劇情部份一個鐘乜都夠啦，只不過以Ryan 嘅口水作風，再加上無限輪迴的抽水位，結果出來是電影兩小時多，入場睇一次基本上一定睇漏嘢。真係抽到水塘都乾哈哈哈！🤣🤣🤣

今次俾佢抽水嘅對象係被迪士尼收購嘅FOX 電影公司，一進入故事中的虛無世界，地上即有個倒下的FOX大招牌，以及好多以前 於FOX 電影中曾出現的經典電影人物，難道電影中呢個虛無世界，就是暗喻 FOX被迪士尼收購後變得荒廢晒！😅😅😅

Ryan Gor唔止抽水叻，今次更超級自肥，故事中喺唔同嘅平行時空之中有唔同嘅死侍，有一位無戴面具既 Ryan，有佢老婆，有佢仔女，有佢隻狗狗，另外更有佢果隊球隊中最好波嗰位球員，頂上級抽水自肥電影，非這一齣死侍莫屬了。🤡🤡🤡

三集加加埋埋，都成為香港史上票房頭三位的三級電影，Ryan Gor 喜歡舊事重提果然有理。第一集《死侍》一開場果幕車廂中飛跌出綠燈俠照片，第二集《死侍2》完場彩蛋用時光機返去殺死睇緊綠燈俠劇本既Ryan Reynolds 及 X-men中初登場的舊版 Deadpool，講真啦，套戲🎬🎬🎬拍咗你唔紅就可以怪晒齣戲嘅製作咩！你家下位老婆🍾🍾🍾都是拍綠燈俠先認識到！