影評：《蜘蛛俠︰決戰千里》- Marvel 歐洲風情畫

其實呢套戲上畫已經一段時間，小編嘅工作都因為近來社會發生嘅一啲事停擺咗，喺度要講聲唔好意思先。上星期小編入場睇咗「豬豬俠」，本身打算週末寫影評，正要開機寫文之際，小編所住的區域附近爆發了一場非常激烈嘅衝突 (你懂的 克警踩入新X市廣場 有病呀！？) ，結果都係要等到今日先出稿。還望咁多位見諒。

講返正題先，復仇者聯盟四落畫都未夠三個月，已經緊接推出湯賀蘭版蝙蝠俠的續集《蜘蛛俠︰決戰千里》。故事講述復仇者聯盟成功喺五年後將化咗灰嘅人重生，包括今集的主角彼得柏加 (Tom Holland 飾)。鏡頭一轉，重新回到高中生活的Peter，一方面由於蜘蛛俠嘅身份獲得舉世知名度，甚至被視為Iron Man 接班人；另一方面作為16歲的高中生，也會希望能夠放下一切英雄角色，甘於當一個 “廢青”。因緣際會下Peter 和一眾同學參加了暑假的歐洲旅行團，但是這個時候Nick Fury 也找上門，要Peter 承擔起作為復仇者一員的責任…

經過沉重的復仇者聯盟4，今集電影力圖以輕鬆的手法，來向大家展示Peter Parker 這位Friendly Neighborhood Spiderman 所面對的矛盾和抉擇。前半段的確令小編看得出這個用心，但是敗筆位就在於神秘客 Quinn Bake 用計得到Iron Man留給Peter 的那副EDITH 眼鏡。很突兀的用5分鐘的自白，藉著向有份幫手的 “合作夥伴” 來向觀眾解釋反派的意圖。姑且不論點解Nick Fury 今集智商無限下線 (片尾彩蛋有解釋)，神秘客這個反派一開始成為了Peter 在英雄路上的一個知心友，卻瞬間變成一個十惡不赦的大反派，當中角色演變的曲線沒有得到很好的鋪墊。所以今集對反派的塑造，小編覺得不算成功。(或者同Marvel 隊長裡面的祖迪羅水平差不多)

至於蜘蛛俠的感情線，由於打怪獸和打反派已經佔據大部分Air time，蜘蛛俠的追女仔過程以及其他高中生的兒女私情都是以肥皂劇的方式帶過，當中有不少笑料。某程度上延續了蜘蛛俠系列相對輕鬆和偏向未成年觀眾的路線。

復仇者聯盟4 目前的票房已經穩佔全球票房記錄第二名，以後Marvel Cinematic Universe 將何去何從？大家拭目以待。